8/10
شقق ممتازه ونظيفه ومناسبه للعائلات ومجهزه بمطبخ فيه معدات الطبخ تجربتي للشقه غرفتين ميزتها فيها غرفه صغيره تعتبر ثالثه للتخزين وكي الملابس وهذي ميزه تذكر لهم اما شقة ال 3 غرف فهي متعبه لانها دوبلكس دورين بسلم ، بالنسبه للنظافه فهي ممتازه بشكل عام ولكن الفوط دائم القا فيها شي لم يذهب بالغسيل بين كل 3 فوط فيهم متسخه + الحمام بدون شطاف
الدش بالحمام ممتاز جدا ومطري ووسيع
الخدمه بطيئه جداً لو تطلب اي شي مايردون على الاتصال واذا ردو ينسونك ساعات لازم تذكرهم شنو طلبت
واجهني خلال اقامتي انقطاع بالماء يصل باليوم الى 5 ساعات بدون ماء + الكهرباء بالمنطقه بشكل عام يومياً تطفي مره الى مرتين ولكن الى نصف دقيقه وتشتغل مره اخرى + الواي فاي خلال اقامتي انقطع بالكامل لمدة 4 ايام + المكيف معقد مركزي ولا هو بمركزي مره بارد مره مرطب لانه لايستجيب للريموت ولكن هم عندهم سستم يطولون عليه للشقق كلها بصفه عامه واتعبني هالشي ومره يستعل من نفسه لو انت طفيته ومره يطفي لو مشغل شي معقد بالاخير على ماذكرت من سلبيات تظل انظف شقه تقريبابالمنطقه مرتبه وشرحه + يوجد مواقف سيارات بالسرداب مجاني
.. ستائر الغرف غير معتمه ومزعجه النور يدخل بشكل كبير
لاننسى ان الاداره متعاونه وخدومين ، اللي يعتمد على التاكسي لازم طلب لان المكان مايمر فيه تاكسي موقع الشقق قريب من مول 212
MALEK
أقام 6 ليالٍ في شهر أغسطس عام 2021